Wir sind ein Verein von aktiven Bäretswilerinnen, die das Leben in unserem schönen Dorf bereichern wollen, indem wir verschiedene Anlässe organisieren.
Unseren Verein gibt es seit nunmehr über hundert Jahren und mit über 200 Mitgliedern sind wir der grösste Verein in Bäretswil.
Der Frauenverein Bäretswil wurde am 28.8.1881 unter dem Namen „Freiwilliger Armenunterstützungsverein Bäretschweil“ gegründet. Dazumal verfügte der Verein nur über bescheidene finanzielle Mittel. Die Zweckbestimmung 1881 war „bedürftigen Frauen und Familien“ beizustehen. Die Damen der Gemeinde Bäretswil und Umgebung strickten und nähten an ihren Zusammenkünften und spendeten den Armen Weihnachtspakete. Später fanden sie auch Unterstützung seitens der Kirchenpflege aus Kirchensteuergeldern. 1898 wurde die Gemeindekrankenpflege gegründet und bald der Kirchenpflege unterstellt. 1911 wurde der Namen „Frauenverein Bäretswil“ angenommen. Besondere Aufgaben stellten die Weihnachtspaket-Aktionen für die Soldaten in Kriegszeiten dar, die Mitarbeit im zivilen Frauendienst, sowie Sammlungen für Hungernde und Frierende und natürlich auch immer noch die Unterstützung der Armen im Dorf. 1948, durch die Einführung der AHV, verkleinerte sich der Kreis der Armen beträchtlich. Jetzt konnten andere Aufgaben übernommen werden und neue Anlässe für die Gemeinde eingeführt werden. Viele Anlässe, die wir heute noch durchführen wurden damals gegründet: Kerzenziehen, Flohmärt, etc..
1988 hat Hanni Bernhard sogar ein Lied über den Frauenverein geschrieben:
(nach der Melodie: es wott es Fraueli z’Märit go…)
De Fraueverein vo Bäretschwil..
Tuet helfe gärn und allewil..
Vill Fraue sind do angaschiert…
Zahled de Biitrag unschiniert…
Mängs Aemtli sind au zum Vergee
Mit Chueche bache und no meh
De gröschti Hit isch s’Cherzezieh
Do gänd sich d’Fraue alli Müeh
Mit Basar oder Chuechestand
E ganzi Wuche mitenand
Au Kaffi, Chueche wird serviert
Für de Sunntig-Zmorge reserviert
De Erlös isch für en guete Zwäck
Goht niemals in eigene Säck
Für de Basar schaffe, höggle, stricke,
oder baschtle, näihe, sticke
Für das händ villi Fraue Mum
Handarbeit isch halt willkumm
De Fahrdienscht isch e gueti Sach
Für Lüt, woz Fuess sind eher schwach
Zum Arzt oder id Therapie
Eventuell au suscht no neime hie?
De Samichlaus isch neuerdings
Em Fraueverein siini Pflicht, ich sings
De Räbeliechtli-Umzug isch
All Johr für d’Chind es Fäscht für sich
De Fraueverein ladt all Johr i
Zum z‘Morgetisch is Gmeindsstübli
Do chasch plaudere, chasch verzelle
Bringsch di Sorge über d’Schwelle
Altersreis und –nomitäg
Mir mit Liäb und Sorgfalt pflägt
Das isch es dankbars Zämesii
Das gitt de Gmeind e Harmonie
Mir büted au de Bsuechsdienst a
Für einsami Lüt, öb Frau, öb Ma
Zum Hälfe und zum Fründli si
Do sind mir Fraue gern debi!
I de Flohmärt simmer ganz verliebt
Händ en heimli patentiert
De treit au mänge Batzen i
Für gsund und chrank, für gross und chli
All Fäde wämmer zämmezieh
Is „Zainli“ legge öppedie
Gschichte chämed au drin vor
Für alt und jungi Senior
Natürli mached mir e Reis
All Johr in eusem Frauechreis
Und fiered s’gmüetli Zämesi
Wie schnell isch doch es Johr verbi
Zum Schluss möcht i no gern betone
Mir Fraue tüend eus selbst belohne
Indäm mir schaffed mit vill Freud
Händ mir de Dank fürs Hülfbereit!
Dies war ein kurzer Abriss unserer Geschichte. Wenn ihr mehr über uns erfahren möchtet, dann schaut doch bei einem der vielen Anlässe rein oder meldet euch als Mitglied an!
Ihr findet uns auch auf Facebook http://www.facebook.com/frauenverein.baeretswil.
© 2023 Frauenverein Bäretswil
Kontaktformular